GROOT-BRAKRIVIER MOORDENAAR IN HEGTENIS

Sunday, November 25 2018 @ 08:00 am UTC

Contributed by: Webmaster




GROOT-BRAKRIVIER NUUS - Die sogenaamde meesterbrein agter die dubbele moord van ‘n egpaar op Groot-Brakrivier wat landuit gevlug het, is in hegtenis geneem.

Polisiewoordvoerder kaptein Malcolm Pojie het bevestig dat die verdagte, Lebohang Lekoro gister in Bloemfontein gearresteer is.

Lekoro het na Lesotho gevlug kort na die grusame moord op die 72 jarige Tewie en 62 jarige Eurika Human by hulle huis op Groot-Brakrvier in Julie 2016.

Tewie is met ‘n panga doodgeslaan en Eurika is met ‘n mes gesteek.

Lekoro het vir die Humans gewerk.

‘n Ander verdagte, ‘n vriend van Lekoro, die 27 jarige Thamsanqa Sishuba is in September verlede jaar twee lewenslange vonnisse opgele vir sy aandeel in die moord.

Lekoro sal Maandag in die Mosselbaai Landdroshof verskyn op twee aanklagte van moord.

___________________________________________________________________end___

Comments (0)


friendsofgeorge - Networking at its best....!
https://friendsofgeorge.co.za/forum/article.php?story=20181125150000680